Gulahallanmálle

Go lea čoahkkin givssideami birra, de lea bargiide ja vánhemiidda álki dovddat váivvášumi go eai guldal ja ipmir. Sáhttá vásihit ahte leat biddjon johtui doaimmat sihke eastadit, bissehit ja hálddašit givssideami. Diekkár dilis leat stuora gáibádusat fleksibilitehtii gos bargit ja vánhemat fertejit sáhttit oaidnit dili earáid bealde. Diet gáibida miela ođđasit árvvoštallat iežas oainnu, dáhtu rievdadit ja rabasvuohta earáid evttohusaide.

Go ollesolbmot galget bargat ovttas givssideami birra, de fertejit doalahit buot sin fuolaheami givssideami birra. Fuolalaš lagasvuođas leat guokte guovddášoasi : 1) Leahkit dás ja dál. Dat mearkkaša ahte don ollásit leat dás go lea sáhka mii dás ja dál dáhpáhuvvá. Mobiilla bijat eret, nákkut ruovttus, bargui gullevaš váttisvuođat ja eará biddjojit eret. 2) Lahka. Váldde duođas iežat jurdagiid ja dovdduid mat dađistaga čuožžilit. Jurdil mo don sáhtát gaskkustit daid earáide. Diet lea earenoamáš dehálaš go dovdá muosehuvvan, suhtu, balu ja eará dovdduid mat váivvidit.

Buorre gulahallama dovdomearka lea ahte oaiviliid mudde ja viiddida, ahte fáttát maid digaštallá čuvgejuvvojit. Oaivil gulahallamiin dán oktavuođas lea ahte joksat oktasaš mihtu: sihke eastadit, bissehit ja hálddašit givssideami . Buorre gulahallamis gullo buohkaid jietna. Vai šaddá buorre gulahallan, de lea áibbas dárbbašlaš ahte lea ÁRVVASVUOHTA earáid oainnuide ja dadjan málliide. Go mii de go vánhemin  ja mánáidgárdebargin deaivvadit gulahallat givssideami birra, de mii vásihit ieš guđet lágan dovdduid, oaiviliid ja árvvuid. De lea dehálaš leat rabas ja beroštit go lea čoahkkin nuppiin gaskkusteddjiin, ii unnimusat jus nubbi jurddaša eará láhkái go don jurddašat. Leahkit árvvas mielddisbuktá guottu mii lea ustitlaš ja buorredáhtolaš: mii háliidit nubbái buori ja ahte min mánáin galgá buorre beaivválaš dilli.