Gulahallan givssideami birra mánáidgárddis

VÁNHEMAT

Olggušteapmi stoahkamis
Trine eadni muitala dutnje ahte su mánná olggušta Trine stoahkamis, earenoamážit go stohket olgon. Don it ipmir dan go eai goasse ge ovdal leat okta ge muitalan diekkár dáhpáhusaid birra. Ii okta ge bargiin mánáidjoavkkus leat muitalan diekkár dáhpáhusaid birra. Baicca nuppe láhkái.
Don hálat eará vánhemiiguin ja gulat ahte sin mielas Trine lea gáiggas, ahte ii leat suohtas stoahkat suinna, son «čuvvoda» ii ge bálljo jietnat maide ge. Don it dovdda Trine vánhemiid, dušše nivkalan sudnuide feaskáris, ovdal go ovtta iđida de Trine eadni fáhkkestaga bisánastá go lea vuolgimen mánáidgárddis ja dadjá ja muitala ahte son vásiha dien leat iežas nieiddaža/bártnáža givssideapmin.

- Mii lea du ovddasvástádus, ja maid konkrehta sáhtát dahkat?
- Mii lea bargiid ovddasvástádus, ja maid konkrehta sáhttet sii dahkat?
- Mii lea Trine eatni ovddasvástádus, ja maid konkrehta sáhttá son dahkat? 

Smávva mánáid ustitvuohta
- Makkár guottut leat dus dasa ahte «buohkat galget stoahkat buohkaiguin»?
- Jus dis leat ”ustitnjuolggadusat” ruovttus, dahje bidjabehtet čielga guottuid ja vuordámušaid ustitvuhtii: Mii doaibmá bures dieid njuolggadusaid ektui, ja maid livččii sáhttán dahkat vel buorebun?

Maid vásihat don stuorámus hástalussan mánáidgárddis givssideami ektui?
Lea go dus evttohus čoavdit hástalusa? Maid sáhtát don dahkat? Maid sáhttet bargit dahkat? Maid sáhttá jođiheaddji dahkat?