Ovdabargu

Áigeguovdilis smiehttangažaldagat ovdal gulahallančoahkkima

Dáid sáhttá geavahit bargiidčoahkkimis ovdal gulahallančoahkkima vai šaddá diehtomielalašvuohta mánáidgárddi bargui mii guoská givssideapmái mánáidgárddis.

Olggušteapmi stoahkamis

  • Mo bargá mánáidgárdi systemáhtalaččat sihkkarastit ahte

ii okta ge mánná olgguštuvvo stoahkamis almmá nu ahte ollesolbmot eai fuomáš dan?

  • Maid bargat mii min mánáidgárddis nu ahte bargit fuomášit máná

         gii olgguštuvvo stoahkamis mánáidgárddi siste?

  • Maid bargat mii bargit min mánáidgárddis vai fuomášit máná gii olgguštuvvo olgun min mánáidgárddis?
  • Digaštala dajaldaga: «Buohkat galget stoahkat buohkaiguin». Makkár lea dilli min mánáidgárddis?
  • Mo sáhttit mii ollesolbmot váikkuhit jus leat mánát geat eai beasa fárrui stoahkamii?

 

Riegádanbeaivve bovdejumit

  • Mo mii dahkat/makkár njuolggadusat leat min mánáidgárddis

riegádanbeaivve bovdejumiide?

  • Maid dahkat mii min mánáidgárddis jus lea okta mánná gii

ii goasse ge bovdejuvvo riegádanbeaivvedoaluide?

  • Mo oažžut buori gulahallama vánehemiiguin/vánhemiid gaskka riegádanbeaivve bovdejumiide min mánáidgárddis?

Vuolgit mielde ruoktot maŋŋil mánáidgárddi

  • Maid mii dahkat go guoská lihtodemiide ahte vuolgit nuppi fárrui ruoktot maŋŋil mánáidgárddi?
  • Maid dahkat mii bargit jus lihtodallet vuolgit nuppi fárrui ruoktot maŋŋil mánáidgárddi ja dat mielddisbuktá olggušteami stoahkamis mánáidgárddis?
  • Maid mii bargit dahkat jus lea okta mánná mánáidgárddis gii ii goasse ge bovdejuvvo earáid fárrui ruoktot?